Maxfiylik Siyosati

Axis ERP xizmatlaridan foydalanganingizda, biz quyidagi ma'lumotlarni yig'amiz:

• Shaxsiy ma'lumotlar: Ism-familiya, telefon raqam, elektron pochta manzili va login ma'lumotlari.
• Kompaniya ma'lumotlari: Kompaniya nomi, STIR (INN), faoliyat turi, manzil va aloqa ma'lumotlari.
• Biznes ma'lumotlari: Tizimga yuklangan mahsulotlar ro'yxati, ombor qoldiqlari, B2B buyurtmalar, hisob-fakturalar (invoice) va qarz daftari yozuvlari.
• Texnik ma'lumotlar: IP-manzil, brauzer turi, kirish vaqti va tizimdan foydalanish faolliklari jurnali (Audit logs).

Sizning biznes va shaxsiy ma'lumotlaringiz faqat quyidagi maqsadlarda ishlatiladi:

• ERP tizimi modullarini (ombor, kassa, B2B order, moliya) sizning faoliyatingizga moslashtirish va onboarding jarayonini sozlash.
• Hamkorlar o'rtasida B2B zanjirini sinxronizatsiya qilish hamda mahsulot nomlarini o'zaro moslashtirish (Product Mapping).
• Xavfsizlikni ta'minlash, firgarlikni oldini olish va tizimdagi harakatlar jurnalini (audit logs) yuritish.
• Mijozlarni qo'llab-quvvatlash xizmati orqali texnik yordam ko'rsatish va tizim yangilanishlari haqida xabardor qilish.

Biz ma'lumotlaringiz xavfsizligini ta'minlash uchun eng zamonaviy texnologiyalardan foydalanamiz:

• Barcha ma'lumotlar uzatilishi va saqlanishi SSL/TLS protokollari yordamida to'liq shifrlanadi (Encryption).
• Foydalanuvchilar parollari ma'lumotlar bazasida shifrlangan (hashed) holda saqlanadi va ularga tizim xodimlarining kirish ruxsati mavjud emas.
• Biz ma'lumotlaringizni uchinchi shaxslarga sotmaymiz va ularni tijoriy maqsadlarda tarqatmaymiz.
• B2B operatsiyalarida ma'lumotlar faqat siz tasdiqlagan va ruxsat bergan hamkor kompaniyalargagina sinxron ko'rsatiladi.

Siz o'z ma'lumotlaringiz ustidan to'liq nazoratga egasiz:

• O'z profilingiz va kompaniyangiz ma'lumotlarini istalgan vaqtda tahrirlash yoki yangilash.
• Tizimga yuklangan tovarlar va ombor qoldiqlarini o'chirish yoki Excel ko'rinishida eksport qilib olish.
• Kompaniya a'zolari (xodimlar) va ularning rollarini boshqarish hamda ruxsatlarni cheklash.
• Hisobingizni butunlay o'chirishni talab qilish (bunda qonunchilikda saqlanishi shart bo'lgan moliya hujjatlaridan tashqari barcha ma'lumotlar bazadan to'liq o'chiriladi).

Tadbirkorlarning moliyaviy, ombor va tijorat ma'lumotlari qonuniy ravishda himoyalangan va davlat idoralariga norasmiy yoki shunchaki og'zaki so'rovlar asosida mutlaqo berilmaydi. Ma'lumotlar faqat quyidagi qat'iy va qonuniy shartlar asosida taqdim etilishi mumkin:

• Sud qarori: O'zbekiston Respublikasi Jinoyat-protsessual qonunchiligiga muvofiq, sudya tomonidan imzolangan va tegishli muhr bilan tasdiqlangan rasmiy sud ajrimi yoki qarori taqdim etilganda.
• Rasmiy yozma so'rov: Huquqni muhofaza qiluvchi organlar (Prokuratura, IIB, DXX) yoki Soliq organlari tomonidan qo'zg'atilgan rasmiy ma'muriy yoki jinoyat ishi raqami ko'rsatilgan, rasmiy xat blankida yozilgan va muhrlangan yozma so'rov mavjud bo'lganda.
• Minimal ma'lumot tamoyili: Har qanday qonuniy so'rovda faqat so'ralgan eng cheklangan va minimal hajmdagi ma'lumotlar taqdim etiladi. Tizimdagi boshqa tadbirkorlar yoki so'rovga daxldor bo'lmagan ma'lumotlar yopiqligicha qoladi.
• Tadbirkorni xabardor qilish: Agar qonunchilik yoki sud qarori taqiqlamasa (masalan, davlat xavfsizligiga oid maxfiy surishtiruvlar), platforma ma'muriyati uning ma'lumotlari so'ralganligi haqida tadbirkorni darhol xabardor qiladi.